Ukoliko tražite brz i ukusan ručak koji ne zahtijeva mnogo vremena u kuhinji, ova salata sa piletinom i tjesteninom odličan je izbor. Kombinacija tjestenine, piletine, povrća i kremastog ili laganog preliva čini je zasitnom, ali dovoljno laganom za tople dane.

Sastojci:

400 g tjestenine
200 g pečene piletine
100 g graška
50 g kukuruza
1 svježa paprika
100 g čeri paradajza
nekoliko listova bosiljka

Za kremasti preliv:

200 g grčkog jogurta75 g majoneza
1 kašika senfa
so i biber

Za lagani preliv:

4–5 kašika maslinovog ulja
sok od jednog limuna
so i biber
Priprema:

Skuvajte tjesteninu prema uputstvu na pakovanju, a pred kraj kuvanja dodajte grašak i kukuruz. Procijedite i ostavite da se ohladi.

Piletinu isijecite na manje komade, papriku na kockice, a čeri paradajz prepolovite. Sve sjedinite u većoj posudi sa tjesteninom i dodajte bosiljak.

Za kremastu verziju pomiješajte grčki jogurt, majonez i senf, dok za laganiji preliv sjedinite maslinovo ulje i limunov sok. Začinite po ukusu, prelijte salatu i dobro promiješajte.

Ohladite prije serviranja. Salata se može čuvati u frižideru do tri dana.